Sudan iyo Itoobiya oo ka heshiiyey muranka biyo xireenka

ADDIS ABABA, Ethiopia – Suudaan ayaa shaacisay in ay kula heshiisay Itoobiya in dib loo bilaabo wadahadalada biyo xireenka lagu muransan yahay ee Nile iyo in ay dib u shaqo bilaabeen guddiyada isku dhafka todobaadka dambe.

Ku dhawaaqidan ayaa ka dambeysay markii ay Axadii ku kulmeen Ra'iisul Wasaareyaasha labadda waddan – Cabdalla Xamduuk iyo Abiy Axmed – kuwaasoo ay miiska wadaxaajoodka ku wehliyaan mas'uuliyiin kale

Is-qabqabsiga biyo-xireenka Nile ayaa u dhaxeeya Masar, Itoobiya iyo Suudaan. Khartuum iyo Khaahira waxay ku andacoonayaan in biyo-xireenka uu hoos u dhigayo saamigooda biyaha, halka Addis Ababa ay beenisay.

Heshiiska cusub ee Suudaan iyo Itoobiya ayaan la ogeyn waxa uu u dhimi karo halka kalkii hore ay doodu taagneyd iyo jihada uu bixin karo.

Sidda ay wararku sheegayaan, qadiyadan waxaa looga doodi doonaa kulan uu Urur Goboleedka IGAD yeelan doono maalmaha soo aadan. Suudaan waa shir-gudoonka shirka, halka Masar aysanba kamid ahayn xubnaha.

Biyo-xireenka webiga Nile ayaa ku baxeysa malaayiin Doolarka Mareykanka taasoo ka imaaneysa Shiinaha, waxaana Itoobiya ay damacsan tahay in ay ka dhaliso koronto ay "kawada faa'iidi doonan dadka Geeska Afrika".

Maamulka Donald Trump ayaa horey ugu fashilmay u kala dabqaadida dhinacyadda markii Itoobiya ay u hogaan-sami weyday heshiis qabyo qoraal uu diyaariyey Mareykanka kaasoo Addis ku qeexdey mid "u adeegaya danaha danaha Masar".

GAROWE ONLINE