Wadahadalo ciidanka Kenya looga saarayo Soomaaliya oo bilaabanaya
-
WARIYAHA NAIROBI GAROWE ONLINE
- Posted On 04-03-2020, 01:02PM
NAIROBI, Kenya – Wargeyska afka dheer ee Daily Nation ayaa maanta oo Arbaco ah baahiyey in maalmaha soo aadan ay bilaaban doonan wada-xaajoodyo ciidamadda Kenya looga saarayo gudaha Soomaaliya.
Monica Juma, wasiirka cusub ee wasaaradda gaashaandhiga waddanka Kenya, ayaa hogaamin doonta wadahadalada oo aan la muddeyn.
Sidda ku xusan warbixinta jaraa'idka, Juma ayaa aaminsan in talaabadan ay hoos u dhigi karto weerarada maleeyshiyaadka xiriirka la leh Al-Qaacida.
Bixitaanka ayaa qeyb ka ah qorshaha leysku raacay ee kala guurka ah kaasoo ciidamada Soomaaliya loogu wareejinayo amniga dalkooda.
Hadii lagu guuleysto, tani ayaa soo gabagabeyn doona muddo sideed sano ah oo ciidamadda Kenya ay ku sugnaayeen ciida Soomaaliyeed.
Sanadkii 2011-kii ayay ahayd markii ay ciidamada Kenya soo galeen Soomaaliya si ay u baajiyaan weeraradda ururka Al-Shabaab.
Milatariga Kenya ayaa kadib ku biiray howlgalka nabad-ilaalinta Midowga Afrika ee loosoo gaabiy magaca AMISOM, taasoo sharciyad siisey.
Sanadka 2021 ayaa qorshuhu yahay in ay ciidamadda AMISOM isaga hayaamaan waddanka, waxaana wadahadalada ay bilaabeyso Kenya ay imaanayaa iyaddoo xiisad ay u dhaxeysa Nairobi iyo Muqdisho.
GAROWE ONLINE
