Wasiir maxkamad loosoo taagay qandaraas uu siiyey gabadhiisa

Qandaraaska ayaa waxa uu ahaa dhismo lagu kordhinayo garoon diyaaradeed.

NAIROBI, Kenya - Wasiirkii hore ee duulista hawada Nigeria, Hadi Sirika, ayaa ka soo hor muuqday maxkamad isaga oo loo haysto eedeymo musuqmaasuq, isaga iyo gabadhiisa iyo wiil uu soddog u yahay, sidda ay warisay BBC-da.

Mr Sirika oo beeniyay dacwadda lagu soo oogay ayaa lagu tiriyaa mid ka mid ah wasiiradii ugu awooda badnaa dowladdii hore ee uu hogaaminayay Muhammadu Buhari.

Guddiga dambiyada dhaqaalaha iyo maaliyadda ee loo soo gaabiyo (EFCC) ayaa ku eedeeyay in uu xilkiisa u adeegsanayo si uu faa’iido aan munaasib ahayn u siiyo shirkad xiriir la leh gabadhiisa iyo wiilka uu soddogga u yahay.

Saddexdan qof ayaa diiday dhammaan lixda dacwadood ee lagu soo oogay maxkamadda sare ee caasimadda federaalka ee Abuja, waxaana lagu sii daayay damiin.

Xeer ilaalinta ayaa ku eedeysay in bishii Agoosto 2022, Mr Sirika uu siiyay qandaraas shirkad xiriir la leh gabadhiisa iyo ninkeeda si ay u dhisto dhismo lagu kordhinayo garoonka diyaaradaha ee waqooyiga magaalada Katsina.

60-jirka ayaa sidoo kale lagu eedeeyay inuu siiyay lammaanaha, Fatima Hadi Sirika iyo Jalal Sule Hamma, door latalin ah dadaalkii fashilmay ee lagu doonayay in hawada laga saaro hawada qaranka Nigeria Air.

Madaxweyne Bola Tinubu oo xilka qabtay May 2023 ayaa ballan qaaday inuu wax ka qabanayo musuqmaasuqa. Mr Buhari ayaa xilka ka dagay kadib labadii xilli ee uu xilka hayay. Mr Sirika xilka hayay Agoosto 2019 ilaa uu ka dhamaanayo xilkiisa.

GAROWE ONLINE