Wasiirka Arrimaha Dibadda ee Sacuudiga oo gaaray Addis Ababa, Itoobiya

ADDIS ABABA — Wasiirka Arrimaha Dibadda ee Boqortooyada Sacuudi Carabiya, Amiir Faisal bin Farhan, ayaa Maanta gaaray caasimadda Itoobiya ee Addis Ababa, booqasho rasmi ah ku tagay, sida ay sheegtay Wasaaradda Arrimaha Dibadda ee Sacuudiga.

Amiir Faisal ayaa la kulmi doona Ra’iisul Wasaaraha Itoobiya, Abiy Axmed Cali, si ay uga wada hadlaan “horumarka gobolka iyo dadaallada lagu doonayo in lagu gaaro nabad iyo xasillooni gobolka,” sida lagu sheegay bayaanka lagu daabacay X.

Booqashadan ayaa ku xigtay booqasho uu Wasiirka Arrimaha Dibadda ee Itoobiya, Gedion Timothewos, ku tagay Sacuudiga bilowgii bishan, halkaas oo ay ka yeesheen wadahadallo rasmi ah.

Itoobiya ayaa xiriir fiican kala dhaxeeya Imaaraadka Carabta, oo Sacuudiga Yemen isku hayaan, waxaana booqashadan loo arkaa mid qeyb ka ah loolanka juqraafi siyaasadeed ee gobolka.

GAROWE ONLINE