Kiisaska fayruska dilaaga ah ee Corona ee Somaliland oo gaarey lix

HARGEYSA, Somaliland – Wasaaradda Caafimaadka Somaliland ayaa maanta oo Axad ah waxay xaqiijisay kiis cusub oo ah Coronavirus, sidda ku xusan warbixinta maalinlaha ah ee 19-ka Maaj, 2020.

Tani ayaa waxay ka dhigan tahay in wadarta ay tahay lix maadaama horey loosoo wariyey shan xaaladood oo caabuqaas ah.

Sidda ku cad war-saxaafadeedka, waxaa bogsaday hal bukaan. Balse lama shaacin magaaladda uu ku sugan yahay shaqsigaas.

Kiisaska horey ayaa laga soo sheegay magaalooyinka kala ah; Hargeysa oo ah caasimada ah, Berbera, Burco iyo Booroma.

Warbixinta ayaa intaas ku dartay in 48-kii saac ee lasoo dhaafay laga baarey cudurka dad tiradooda lagu sheegay kun qof.

Kiiska cusub ee kasoo kordhay dhanka Somaliland ayaa wadarta guud ee Soomaaliya wuxuu ka dhigayaa 136 maadaama Wasaarada Caafimaadka federaalka horey u shaacisay 135.

Somaliland ayaa sheegata madax banaani tan iyo 1991-dii, balse Beesha Caalamka waxay u aqoonsan tahay Maamul Goboleed si toos ah u hoostaga xukuumadda fadhigeedu yahay magaalada Muqdisho.

QORAALKA

GAROWE ONLINE