Somaliland oo shaacisay kiisas iyo geeri cusub oo ka dhalatay Covid-19
-
WARIYAHA HARGEYSA GAROWE ONLINE
- Posted On 08-05-2020, 05:20PM
HARGEYSA, Somaliland – Maamulka Somaliland ayaa Jimcada maanta ah shaaciyey in 24-kii saac ee lasoo dhaafay uu diiwaan-geliyey 11 kiisas cusub oo ay safmarka dunida heeganka geliyey ee Coronavirus.
Wasaaradda Caafimaadka xukuumadda Muuse Biixi Cabdi ayaa sidoo kale waxay xaqiijisay in qofkii saddexaad uu u dhintay cudurka.
Tiradda xaaladaha xanuunka ee degaanadda Somaliland ayaa waxay haatan gaartay 23 maadaama horey loosoo wariyey 12 kiisas ah.
Si lamid ah, bukaanadda uu haleelay fayruska sidda fudud u faafa ee ka bogsooday ayaa illaa iyo haatan waxay ku taagan tahay saddex.
Sidda ku xusan warbixinta maalinlaha ee guddiga ka hortagga, bukaanada cusub waxay joogaan Hargeysa, gobolka Sanaag iyo Burco.
Illaa iyo haatan, waxaa tiraddii ugu badneyd ee maalin qura ay Somaliland shaaciso in ay ka heshay caabuqaas kasoo bilowday Shiinaha.
Cudurka Covid-19 ayaa u muuqda mid gaaray gobolada Soomaaliya, waana arrin ay bahda caafimaadka ka digtay markii magaalooyinka waaweyn uu si aayar ah ugu dhex-faafay, taasoo walaac laga muujiyey.
GAROWE ONLINE
