John Bolton oo ka fal-celiyey xilka ka qaadista Donald Trump

Caalamka
By WARIYAHA WASHINGTON , GAROWE ONLINE
Lataliyihii ammaanka Mareykanka ayaa durba muujiyey dareenkiisa ku aadan go'aanka Trump.

WASHINGTON, US – Lataliyihii amniga ee Mareykanka kaasi oo uu Donald Trumop shaaciyey in uu eryay ayaa wuxuu ka falceliyay go’aanka madaxweynaha.

Qoraal kooban oo uu soo dhigay bartiisa gaarka ah ee Twitter-ka ayaa waxa uu ku sheegay in uu codsadey is-casilaad balse uu dalab kaga yimid Trump.

"Habeen hore ayaan ka codsadey in aan is-caslio; madaxweyne Trump ayaana igu yiri "Aan wada hadalno berrito," ayuu soo daabacay John Bolton.

Bolton ayaa wuxuu kamid yahay siyaasiyiinta ugu maqaamka sareysay Mareykanka, kuwaasi oo xilal kala duwan soo qabtay dowladihii ugu dambeeyay.

Haatan waxa uu si rasmi ah ugu biirayaa liiska siyaasiyiinta ay aragtida isku qabteen kadibna isaga baxay maamulka uu majaraha u hayo Trump.

Tani ayaa waxay xoojineysaa warar soo baxayey oo tibaaxaya in Wasiirada xukuumada Washington ay isku khilaafeen baajinta Trump ee kulankii madaxda Taliban.

Madaxweyne Trump ayaa sidoo kale wuxuu sheegay in uu hakiyey wada hadaladii uu kula jiray ururkaasi, kaasi oo soo socdey bilooyinkii lasoo dhaafay.

GAROWE ONLINE

Wararkii ugu dambeeyey