Hal sambab ayuu leeyahay, balse wuxuu Qur'aanka ku xifiyey 17-jirkiisa

Islam
By WARIYAHA ARRIMAHA DIINTA , GAROWE ONLINE
Intaasi waxaa u wehliso in ay dhibaato ka haysato neef-sashada | Xuquuqda Sawirka: Khaleej Times

DUBAI, UAE - Dadka qaarkii way ku adag tahay in ay ku hadlaan ama ay fahmaan eray Carabi ah balse waxaa jira kuwa si fiican u garanaya uguna luuqeynaya Qur'aanka oo ka turjumaya heerka ugu sareysa luqadaasi.

Qaarkood caafimaad ahaan ma wanaagsana ama dhibaato caafimaad ayaa haysata balse taasi kama aysan joojin in quluubtooda ay ku raaxeysato akhrinta Qur'aanka Kariimka.

Nader Maxamuud Kouja, 21-jir, oo wadanka Lebanon ku metalaya wareega 23aad ee tartanka Qur'aanka ee magaalada Dubai bishaan Ramadaan, waa shaqsi kaliya leh hal sambab.

"Aniga waan ogahay in ay tahay caqabad wayn in la dhameeyo howlgal cabsi ah kaliya ma ahan in aan hal sambab leeyahay, waxaa jirta dhibaato dhanka neefsashada iga haysata," ayuu raaciyey.

Balse in uu xifdiyo Qur'aanka waxa u taha sharaf wayn, sidda uu hadalkiisa kusii daray. "Xifdinta Qur'aanka waxaa ku kasbaday quluubta dad badan," ayuu daba dhigay.

"In aan xifidiyo Qur'aanka waxaan ku dareemayaa badbaado, raaxo badan iyo dhiirogelin. Karaar-siinta wadnahaaga iyo quluubta waa u dhowaanshiyaha ALLE," ayuu xusay.

Intii uu ku guda jiray tartanka, habkiisa akhrinta Qur'anka waxa uu soo jiitay dad badan, kuwaasi oo booriyay in uu halkaasi kasii wado ku ad-adeegiisa Diinta Islaamka.

Nader ayaa waxa uu dhameeyay Qur'anka isaga oo 17-sano jir. Waxa uuna Shareecada Islaamka ka bartay Jamaacad ku taala wadankiisa. Isaga oo rajeynaya in uu noqdo Wadaad caan ah mustaqbalka.

GAROWE ONLINE

 

Warar la xiriira

Wararkii ugu dambeeyey