Xildhibaan katirsan Barlamanka Puntland oo qarax lala eegtay

Image
Image
Image

GALKACYO, Puntland- Xildhibaan kamid ah Barlamanka Puntland, ayaa goordhaweyd qarax lagula eegtay gudaha magaalada Galkacyo ee xarunta gobolka Mudug, xilli uu watay gaarigiisa.

Wararka aan ka helayno dad goob joogayaal ah oo la hadlay GO, ayaa sheegaya in Xildhibaanka Cabdulqaadir Farax Bootaan qarax loogu xiray baabuurkiisa isagoo kasoo baxay Hotel Clasic ee magaalada Galkacyo.

“Xildhibaan kamid ah Barlamanka Puntland, ayaa mar dhaweyd qarax lala eegtay, isagoo saaran baabuurkiisa, waxaana lagu qarxiyay hotel Clasic agtiisa,”Sidaas waxaa GO u sheegay ruux goob jooge ah.

Mudanahan, ayaa wararku sheegayaan inuu soo gaaray dhaawac aad u culus iyadoo loola cararay cusbitalka guud ee magaalada Galkacyo.

Majirto ilaa hadda cid sheegatay mas’uuliyadda weerarkaas, balse waxaa loo malaynayaa inay ka dambayso xararka Al Shabaab.

Qaraxan ayaa yimid xilli amniga Galkacyo uu muddooyinkii dambe aad u wanaagsanaa.

Xildhibaan Botan oo kamid ah mudanayaasha Barlamanka Puntland kasoo gala dhinaca gobolka Mudug, ayaa ku jira Guddi nabad-galyada ee loo xil-saaray gobolkaas.

GAROWEONLINE

Related Articles

Wasaaradda Caafimaadka Puntland oo Burtinle ku xustay Maalinta Caalamiga ah ee Musqulaha

Intii ay socotay munaasabadda, Wasaaradda Caafimaadka Puntland ayaa shahaado-sharaf guddoonsiisay shan deegaan.

  • Puntland

    19-11-2026

  • 08:02PM

Axmed Madoobe oo booqanaya Garowe, xilli uu hakad ku yimid wadahadalladii Muqdisho

Booqashada Axmed Madoobe ee Garowe ayaa sidoo kale fursad u noqon karta wadatashiyo dheeraad ah oo dhex mara labada hoggaamiye.

  • Puntland

    14-11-2026

  • 07:21PM