Dagaal culus oo ka dhacay duleedka Kismaayo

Image

KISMAAYO, Soomaaliya - Dagaal xooggan oo ka dhashay khasaaro lixaad leh ayaa waxa uu ka dhacay maanta duleedka magaalada Kismaayo, ee xarunta gobolkla Jubbada hoose.

Dagaalkan oo u dhaxeeyay Al Shabaab iyo ciidamada maamulka Jubbaland ayaa ka qarxay shalay gelinkii dambe deegaanka Baar-Sanguuni, oo qiyaastii 50KM dhanka waqooyi uga beegan magaalada Kismaayo.

Sarkaal katirsan ciidamada Jubbaland, oo la hadlay Warsidaha Garowe Online ayaa xaqiijiyay in Lix Askari looga dilay dagaalka, iyguna ay Al shabaab ka dileen 9 xubnood, oo qaar kamid ah ay Saraakiil ahaayeen.

Dagaalka ayaa yimid markii Ciidamada Jubbaland weerar dhowr jiho ah ku qaadeen Al shabaab-ka ku sugan Baar-Sanguuni, iyagoo taageero ka helayo Militariga Kenya, ee qeybta ka ah Howlgalka AMISOM.

Al Shabaab waxay sheegtay inay iska caabisay duulaanka lagu soo qaadey, islamarkaana ay dishay in ka badan 10 Askari oo katirsanaa maamulka Jubbaland, sida ku xusan war lagu baahiyay warbaahinta ku hadasha Afka Kooxdan.

Dagaalka ayaa kusoo beegmay xilli maalintii shalay uu Madaxweynaha Jubbaland Axmed Madoobe oo ay wehliyanayeen Wasiiro iyo Saraakiil ciidan uu booqday Ciidamo loo diyaariyay duulaan ka dhan ah Al shabaab oo ku sugan Buulo-Gaduud, oo 30KM dhanka Waqooyi uga beegan Kismaayo.

Ciidamada Jubbaland iyo kuwa shisheeye ee taageera ayaa in mudo ah kula dagaalamayay Al Shabaab deegaanada ku dhaw Kismaayo, iyagoo ku fashilmay inay Kooxdan ka sifeeyaan guud ahaan gobollada Jubboyinka iyo Gedo.

GAROWE ONLINE

Related Articles

Villa Somalia oo dalacsiin ciidan ku raadineysa taageerada beesha Xawaadle xili kacdoon ka jiro Hiiraan

Ilo-wareedyadu ma aysan shaacin tirada guud ee dadka la dalacsiiyay, magacyadooda ama hay'adaha ay ka tirsan yihiin.

  • Soomaliya

    12-11-2026

  • 08:31PM

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM