Kulan uu Golaha Shacabka su'aallo ku waydiin lahaa wasaarad oo baaqday

Image

MUQDISHO, Soomaaliya – Fadhi ay Xildhibaanada Soomaaliya maanta ku yeelan lahaayeen xaruntooda magaalada caasimada ah ee Muqdisho ayaa u baaqday Kooraam la'aan, sida uu gudoonka shaaciyay.

Mudanayaasha kulanka soo xaadirtay si ay waajibaadkooda u gutaan ayaa gaarayay 128 Xildhibaan, xili loo baahnaa 130, sida uu xeerinayo xeer-hoosaadka Aqalka Hoose ee baarlamaarka dalka.

Ajendaha fadhiga ayaa ahaa akhrinta labaad oo la marsiin lahaa Hindisa Sharciyeedka Ganacsiga oo ay soo diyaarisay wasaarada ganacsiga iyo warshadaha ee xukuumada federaalka ah.

Sidda laga soo xigtay xoghaynta, mas'uuliyiin ka tirsan wasaarada ayuu qorshuhu ahaa in su'aallo la xiriira xeerkaan lagu waydiiyo, gaar ahaan qodobo uu mad-madow uga jiro Sharcidejiyaasha.

Maxamed Mursal Cabdiraxmaan, afhayeenka Aqalka Hoose, ayaa ku tartarsiiyay Xildhibaanada in ay kasoo muuqdaan fadhiga soo aadaan, maadaama Kal-fadhigaan uu muhiim u yahay qaranka.

"Waxaa la joogaa 12-kii duhurnimo, waxaana soo xaadirtay 128 mudaneyaal ... sidaasi awgeed shaqadeena maanta waxay baaqatay kooram la'aan," ayuu yiri Gudoomiye Mursal.

Inta badan mudanayaasha seegay kulankii maanta ayaa isugu jira kuwa dibada ku maqan iyo kuwa kale oo ka qaybgalaya shir Muqdisho uga socda Xisbiga Sheekh Shariif ee Himilo Qaran.

Kulankaan maanta baaqday ayaa noqonaya midkii saddexaad oo ka baaqday kal-fadhiga 5aad iyo midkii labaad oo u qabsoomi waaya Kooram la'aan xili mid kale uu u baaqday khilaaf dhexdooda ah.

GAROWE ONLINE

Related Articles

Villa Somalia oo dalacsiin ciidan ku raadineysa taageerada beesha Xawaadle xili kacdoon ka jiro Hiiraan

Ilo-wareedyadu ma aysan shaacin tirada guud ee dadka la dalacsiiyay, magacyadooda ama hay'adaha ay ka tirsan yihiin.

  • Soomaliya

    12-11-2026

  • 08:31PM

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM