Weerar lagu qaadey huteel caan ah oo ku yaala magaalada Kismaayo

Image

KISMAAYO, Jubbaland – Weerar ku bilowday qarax xoogan ayaa Jimcada maanta ah laga soo warinayaa magaaladda dekadda leh ee Kismaayo, caasimadda ku meel gaarka Jubbaland.

Warar horudhac ah ayaa waxay sheegayaan in duulaanka lagu beegsaday huteel caan ah kaasi oo lagu magacaabo Maamuus isla markaana horey loo oran jiray Cas-casey Hotel.

Dabley aad u hubeysan ayaa gudaha gashay kadib qaraxa, inkasta oo ay iska caabin kala kulmeen ciidamadda ammaanka ee ilaalada ka hayey huteelkaasi.

Kooxda gacansaarka la leh shabakadda Al-Qaacidda ee Al-Shabaab ayaa durba dusha saaratay mas'uuliyadda dhacdadan oo ay xaqiijiyeen mas'uuliyiinta maamulkaasi.

Fahfaahinada ayaa waxay intaasi ku dareysaa in uu jiro khasaaro isugu jira dhimasho iyo dhaawac oo ka dhashay weerarka, wallow aanan la xaqiijin karin tiradda saxda ah.

Gaadiidka gurmadka deg deg ah ayaa tegay goobta uu qaraxu ka dhacay si ay u soo daabulaan dadka wax ku noqdey si loo badbaadiyo noloshooda.

Weerarka ayaa wuxuu imaanaya iyadda oo la filayo in bartamaha bisha Agoosto 2019 ay Jubbaland ka qabsoonto doorashadda madaxweynaha iyo tan baarlamaanka.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM