Somaliland: Waxaanu haynaa liiska soddon wariye oo ay masruufto DFS

Somaliland
By WARIYAHA HARGEYSA , GAROWE ONLINE
Maxamed Kaahin Cabdi, wasiirka arrimaha gudaha maamulka Hargeysa

HARGEYSA, Somaliland – Somaliland ayaa maanta oo Sabti ah shaacisay in ay gacanta ku hayso liiska soddon wariye iyo xarumo warbaahineed "oo laaluush ka qaata dowladda federaalka Soomaaliya".

Maxamed Kaahin Cabdi, wasiirka arrimaha gudaha maamulka Hargeysa, ayaa ka dhawaajiyey in ay sii wadayaan dabagalka darafyadaas oo ka howlgala Hargeysa.

"Ma dooneyno in aan ku deg-degno ah oo arrimaha nuucaas ah aan mushkilad ka dhigno," ayuu Kaahin ka sheegay munaasabad gaar ah.

Munaasabada oo ka dhacday magaalo madaxda maamulkaas gooni u goosadka ah ayaa ciwaankeedu ahaa "doorka nabada ee warbaahinta".

"Ragga ina-ciijiya marka aan shirarka jaraa'id qabaneyno liiskaas ayay kuwada jiraan," ayuu hadalkiisu ku daray Kaahin.

Dhinaciisa, wasiirka warfaafinta, Saleebaan Yuusuf Cali, ayaa dul istaagey xafiisyadda laga "biilo" dhinacyadda ay eedeeyeen.

"Wasiirku wuxuu ii sheegay in xafiiska ra'iisul wasaare ku xigeenka Soomaaliya laga bixiyo qabax [sharuur] badan, oo la siiyo wariyeyaal iyo Tv-yo ku jira liiskaan aan hayno," ayuu raaciyey.

Midkoodna – labada wasiir – ma uusan carabaabin saxafiyiinta iyo xarumo warbaahined ee ay ku eedeeyeen "laaluush qaadashada" iyo talaabada xigta oo ay qaadayaan.

Dowlada madaxweyne Farmaajo ayaa lagu eedeeyaa ku xadgudubka iyo caburinta saxaafada si lamid ah in ay dhaqaale ku bixiso sumcad dilka dadka siyaasad kaga aragtida duwan ee hogaamiyeyaasha ah.

MUUQAALKA WASIIRADA

GAROWE ONLINE

Wararkii ugu dambeeyey