Wasiir katirsan Puntland oo ku dhintay Muqdisho

Puntland
By Wariyaha Muqdisho , Garowe Online

MUQDISHO, Soomaaliya - Waxaa saaka oo Jimco ah magaalada Muqdisho ku geeriyooday Allah ha u naxariistee Wasiirkii Beeraha iyo Waraabka dowladda Puntland, Cabdinuur Cilmi Maxamuud [Biindhe].

Geerida Wasiirka waxaa warbaahinta u xaqiijiyay Xildhibaan Sharma'arke Garaad Saleebaan, oo kamid ah Baarlamaanka Federaalka Soomaaliya.

Wasiirka ayaa u geeriyooday xanuunka Sonkorta [Diabetes], oo la jiifay Isbitaal ku yaalla magaalada Muqdisho. Mas'uuliyiinta Puntland iyo dowladda Federaalka Soomaaliya ayaa ka tacsiyadeeyay geerida ku timid Marxuumka.

Inta uusan wasiirka noqon, Cabdinuur ayaa 2013-kii soo noqday Madaxweynaha Khaatumo, isagoo kaalin kasoo qaatey sidii gobollada Sool iyo Sanaag u yeelan lahaayeen maamul ka madax-banaan Somaliland iyo Puntland.

GAROWE ONLINE