Jabuuti oo "dad ka yimid" Somaliland ka heshay cudurka Covid-19

Somaliland
By WARIYAHA HARGEYSA , GAROWE ONLINE
Ismaaciil Cumar Geelle, madaxweynaha Jamhuuriyadda Jabuuti

HARGEYSA, Somaliland – Jabuuti ayaa Axada maanta ah heshay kiisas cusub oo Coronavirus ah, sidda uu baahiyey Telefishinka ku hadla afka dowlada.

Sidda ku xusan warbixinada, kiisaska cusub ee la xaqiijiyey ayaa gaaraya afar. Bukaanada dhamaantooda waa muwaadiniin Jabuutiyaan ah.

Tv-ga ayaa wuxuu daboolka ka qaadey in shaqsiyaadkaas ay dhowaan kasoo laabteen gudaha maamulka gooni u goosadka ah ee Somaliland.

"Waxay Jabuuti kasoo galeen dhanka xuduudka dhulka ah," ayaa lagu yiri nuqul kamid ah warka laga sii daayey Telefishinka Dowladda Jabuuti.

Lama shaacin magacyadda iyo sawiradda shaqsiyaadka, sababo ku aadan in aan laga haysan dhankooda ogolaanshiyo ah in la baahiyo.

Somaliland ayaa mar sii horeysay u sheegtay in degaanadeeda uusan ka jirin kiis fayruskaas ah, balse ay jireen warar xoojinaya sheegashooyinkaas.

Kiisaska Covid-19 ee gudaha Jabuuti ayaa haatan kor-u-dhaafaya tobban, kuwaasoo ay kamid yihiin ajaaniib, nasiib wanaag lama soo warin wax geeri ah.

GAROWE ONLINE

Wararkii ugu dambeeyey