Wararkii ugu dambeeyay Qarax Culus oo ka dhacay Gobolka Hiiraan
-
Wariyaha Muqdisho GAROWE ONLINE
- Posted On 29-10-2018, 11:02PM
MUQDISHO, Soomaaliya - Al-Shabaab ayaa sheegtay in maanta ay qarax ku dishay 30 Askari oo u dhashay dalka Itoobiya, oo la socday kolonyo ay ku weerartay duleedka magaalada Beledweyne.
Qoraal kasoo baxay Kooxda, oo lagu baahiyay warbaahinteeda, ayaa lagu sheegay in qarax miino ay ku weerartay ciidamada Itoobiya iyagoo maraya tuulada Ceel-Gaal oo 20-KM dhinaca Bari ka xigta magaalada Beladwayne ee xarunta gobolka Hiiraan.
Ciidamada Qaraxa la kulmay xilli ay ka yimaadeen Beldweyne, kuna sii jeedeen deegaanka Kalabeyr, oo ku dhaw xadkaa Soomaaliya iyo Itoobiyaa.
Ma jiro illo wareedyo madax banaan oo xaqiijinaya sheegashada kooxda xiriirka la leh Al-Qaacida, oo dagaal mudo 10 sano ah kula jirtay dowladda Soomaaliya iyo AMISOM.
Bishii hore,Taliska ciidamada Difaaca Itoobiya ayaa sheegay in 70 kamid ah Al-Shabaab uu ku khaarijiyey weerar dhinaca cirka ah, oo aysan sheegin halka ay ka fuliyeen.
Gobolka Hiiraan waxaa ku sugan ciidamo ka kala socda Itoobiya iyo Jabuuti kuwaasoo hoostaga AMISOM, waxaana inta badan lala eegtaa qaraxyo culus oo khasaaro dhaliya.
GAROWE ONLINE
